एभोकाडो महोत्सव सम्पन्न

धनकुटा नगरमा एभोकाडो महोत्सव सम्पन्न भएको छ । यस प्रकारको महोत्सव एशिया महादेशमा पहिलो र विश्वमा दोस्रो महोत्सवका रुपमा लिईएको छ । केहि महिना अघि भनकुटा नगरपालिकाले धनकुटा नगरलाई एभोकाडोको राजधानी घोषणा गरेका थिए ।
एक कार्यक्रमका वीच महोत्वसको उद्घाटन एभोकाडो काटेर प्रतिनिधिसभाका सदस्य रोजेन्द्रकुमार राईले गरे । यस्तै सोहि अवसरमा सदस्य राईले नवनिर्माण एभोकाडो प्रतिमाको अनावरणसमेत गरेका छन् । करिव ३० लाखको लागतमा एभोकाडो प्रतिमासहित पार्क निर्माण गरिएको छ । सोहि अवसरमा नगर प्रमुख चिन्तन तामाङले एभोकाडो प्रतिमा रहेको चौक परिचय मोड क्षेत्रलाई फ्री वाईफाई जोन घोषणा गर्दै उद्घाटन गरेका छन् ।

सो अवसरमा सांसद राईले जनता धनि नभएसम्म सरकारको समृद्ध नेपाल र सुखी नेपाली अभियान सफल नहुने बताए । उनले अब केहि वर्षभित्रै देश समृद्ध हुने जिकिर गरे । उनले धनकुटा राजधानी नभएपनि धनकुटाको शिक्षा, स्वास्थ्य, कृषि, पर्यटन क्षेत्र तथा पूर्वाधार विकासमा सरकारले ठूलो लगानी गर्ने आश्वासन दिए ।

उद्घाटन कार्यक्रममा प्रदेश सदस्यहरुको तर्फबाट रामचन्द्र तुम्वा, नगरप्रमुखहरुको तर्फबाट महालक्ष्मी नगरपालिकाका प्रमुख पर्शुराम नेपाल, गाउँपालिकाहरुको तर्फबाट शहीदभूमिका अध्यक्ष मनोज राई, ृद्योग वाणिज्य संधका अध्यक्ष उमेश घिमिरे र पत्रकार महासंघका अध्यक्ष राजेश्वरबहादुर श्रेष्ठले शुभकामना दिएका थिए । कार्यक्रममा स्वागत मन्तव्य उपप्रमुख शकुन्तला बस्नेतले गरेकि थिईन ।
धनकुटा नगरलाई एभोकाडोको राजधानी घोषणा गर्नु र महोत्सवको आयोजना गर्नुको कारण वारे नगरपालिकाका प्रमुख प्रशासकीय अधिकृत टिकादत्त राईले जानकारी दिएका थिए ।

नगरप्रमुख चिन्तन तामाङको अध्यक्षतामा सम्पन्न महोत्सवको अवसरमा नगरका उत्कृष्ट ६ जना कृषकहरुलाई पुरस्कृत गरिएको थियो । यसरी पुरस्कृत हुने कृषकहरुमा धनकुटा ६ का पुरुषोत्तम पोखरेल प्रथम भए । यस्तै धनकुटा ४ का राजकुमार तामाङ दोस्रो, धनकुटा ३ का जितेन्द्र राई तेस्रो भएका थिए । यस्तै सान्त्वता पुरस्कार धनकुटा ३ का रिता भण्डारी, धनकुटा ६ का उद्धव वाग्ले र धनकुटा ५ का सुजनभाई जोशीलाई प्रदान गरिएको थियो ।

प्रथम, दोस्रो , तेसा्रे र सान्त्वना पुरस्कृत हुनेहरुलाई क्रमशः नगद १५ हजार प्रमाण पत्र, १० हजार, पाँच हजार र सान्त्वना ३ जनालाई ३ हजार रुपैयाँका दरले पुरस्कार प्रदान गरिएको थियो । महोत्सवमा २५ भन्दा बढी एभोकाडो स्टलहरु प्रर्दशनीका लागि राखिएका थिए । महोत्सव एक दिनमात्र सञ्चालन भएकोमा नगरवासीहरु दुःखित भएका थिए । नगरवासीका अनुसार कम्तिमा पनि ३ दिन महोत्सव सञ्चालन हुनुपर्ने बताए ।

सो अवसरमा महोत्सव सम्पन्न गर्न खट्ने कर्मचारीहरुलाई सम्मान गरिएको थियो । यस्तै स्टल राखेका कृषकहरुलाई प्रमाणपत्र वितरण गरेका थिए ।

Leave a Reply

Your email address will not be published. Required fields are marked *

Back to top button
Close