नयाँ व्यवस्थापन सहित पोखरा पृथ्वीचोकमा ‘कुन्ती मल’ !

पोखराको पृथ्वीचोकमा नयाँ मल संचालनमा आएको छ । ‘कुन्ती मल’ नाम दिएर यसका संचालकहरुले ‘मल’ संचालनमा ल्याएका हुन् ।

त्यसो त यो मल संचालनमा आएको २०४७ सालदेखि नै हो । तर तत्कालिन समयमा एक तलाको भवनमा सामान्य सटरहरुमा मात्रै यहाँ व्यवसाय गरिन्थ्यो । अहिले यो मलमा दुईवटा तल्ला थप व्यवस्थित तरिकाले संचालनमा ल्याईएको छ । करिब १२ करोड रुपैयाँ लगानी यो मलमा थप गरिएको यसका संचालक निरञ्जन वजिमयले जानकारी दिए ।

‘पोखरामा व्यवस्थित शपिङ गर्ने थलो निर्माण गर्नुपर्छ भन्ने मान्यतासहित २०४७ सालमै हामीले यहाँ सटरहरु निकालेका थियौँ । र, लामो समय सोही संरचनामा यहाँ व्यवसाय संचालनमा आएका थिए । यद्यपि समय अनुसार अपडेट आवश्यक छ भन्ने ठानेर नै हामीले यसलाई अझै ब्यवस्थित बनाएका हौँ ।’ सोमबार मलको शुभारम्भ सम्बन्धमा आयोजित पत्रकार सम्मेलनमा वजिमयले भने ।

पौने तीन रोपनी क्षेत्रफलमा निर्माण भएको यो मलमा हाल १ सय २६ वटा सटरहरुमा व्यवसायीहरुले व्यवसाय गरिरहेका छन् । सबै सटरहरुलाई १ सय ६० वर्गफिटमा बाँडिएको छ । र, ग्राहकहरुलाई हिँडडुलका लागि सजिलो होस् भन्ने हेतुले यहाँ प्रशस्तै खाली ठाउँ पनि छाडिएको छ । त्यो सँगै यहाँ किनमेलका लागि आउने ग्राहकहरुको सजिलोका लागि मल व्यवस्थापनले पार्किङको व्यवस्था पनि गरेको छ ।

Leave a Reply

Your email address will not be published. Required fields are marked *

Check Also

Close
Back to top button
Close