१० जना जुवाडे पक्राउ

लमजुङ । बेसीशहरको होटलबाट हालै पक्राउ परेका १० जना जुवाडेमाथि मुद्दा चलाउन ५ दिनको म्याद थप गरिएको प्रहरीले जनाएको छ ।
बेसीशहर नगरपालिका– ७ को मनाङे चौतारस्थित ओमश्रेया गेष्ट हाउसको तीन तलामाथि जुवा खेलिरहेको अवस्थामा १० जनालाई पक्राउ गरिएको जिल्ला प्रहरी कार्यालयका प्रवक्ता प्रहरी निरीक्षक वसन्तबहादुर रानाले बताए । पक्राउ पर्नेमा ओमश्रेया गेष्ट हाउस संचालक वर्ष ४० का सूर्यबहादुर भण्डारीसमेत छन् ।
प्रहरीले सुन्दरबजार नगरपालिका– ७ बस्ने वर्ष ५० का कृष्णबहादुर अधिकारी, क्ब्होलासोथर गाउँपालिका– ४ बस्ने वर्ष २८ का डम्बरबहादुर गुरुङ, दोर्दी गाउँपालिका– ४ का ५० वर्षीय यम गुरुङ, सो गाउँपालिका वडा ८ का वर्ष ३० का कर्णबहादुर गुरुङलाई पक्राउ गरेको हो ।
यसैगरी, मनाङको नासों गाउँपालिका– ८ बस्ने वर्ष ३६ का मन घले र काभ्रे जिल्ला घर भई काठमाडौमा बस्ने वर्ष ५८ का सानुबाबु तामाङ छन् ।
उनीहरूको साथबाट २८ हजार रुपैयाँ नगद र कौडा तथा तास बरामद गरिएको थियो ।
उनीहरूविरुद्धमा सार्वजनिक हित सुरक्षा, सुविधा र नैतिकताविरुद्धको कसूर ऐनअन्तर्गत जिल्ला प्रशासन कार्यालयमा मुद्दा पेश गरी म्याद थप गरिएको हो ।

Leave a Reply

Your email address will not be published. Required fields are marked *

Back to top button
Close