१४ लाखको बीमा मृत्यु दाबी भुक्तानीको चेक हस्तान्तरण

लमजुङ । लमजुङमा यूनियन लाइफ इन्स्योरेन्स कं.लि. बेसीशहर शाखा लमजुङले एक कार्यक्रमको आयोजना गरी बिमितको परिवारलाई १४ लाख बराबरको मृत्यु दाबी भुक्तानी बापतको चेक हस्तान्तरण गरेको छ । राइनास नगरपालिकाको कार्यालयमा एक औपचारीक कार्यक्रमको आयोजना गरी बिमितको परिवारलाई राइनास नगरपालिकाका प्रमुख सिहंबहादुर थापा र युनियन लाइफ इन्स्योरेन्स कं. लि. बेसीशहर शाखाका शाखा प्रमुख सुरेश बरालले संयुक्त रूपमा मृतकका श्रीमती संगीता गुरुङ नेपालीलाई सो चेक हस्तान्तरण गरेका हुन् ।
राइनास नगरपालिकाका प्रमुख थापाले चेक हस्तान्तरण गर्दै मानिसको जीवनमा बीमा अपरिहार्य रहेतापनि कुनै पेशा, व्यवसायमा आवद्ध भएका व्यक्तिहरुमा अझैपनि बचत गर्नुपर्छ भन्ने भावनाको विकास नभएको बताए । बीमा गर्दा बर्षको एकपटक मात्र नविकरण शुल्क बुझाउनु पर्ने भएता पनि जीवन बीमा बारे धेरै जसो मानिसहरु सचेत नभएको तर यो आवश्यक हो उनले भने । उनले यूनियन लाइफ इन्स्योरेन्सले पारदर्शी ढंगले जनप्रतिनिधीसंगै सेवाग्राहीको घर आगँनमा आएर सेवा प्रदान गरेकोमा धन्यवाद दिए ।
राइनास नगरपालीकाका कानुनी सल्लाहकार हरि रानाभाटले बीमा आर्थिक नोक्सानी हुँदा दिईने क्षतिपूर्तिको सुनिश्चिता भएको बताउँदै बीमित नरहेता पनि उनको आश्रितले रकम पाएकोमा खुसी व्यक्त गरे । साथै बीमा वापत पाएको सो रकमको सदुपयोग गर्न उनले आग्रह गरे । यसैगरी यूनीयन लाइफ इन्स्योरेन्स कं.लि.बेसीशहरका शाखा प्रमुख सुरेश बरालले बीमाले मानवीय क्षतिको परिपुरण गर्न नसकेता पनि परिवारमा आइपर्ने आर्थीक विपत्तिमा ठुलो राहत पुग्ने बताए । धन कमाउने आशामा परिवारको सदस्य बैदेशीक रोजगारीमा जाने तर सो सदस्य सकुशल स्वदेश नफर्किदा परिवारमा ठूलो आर्थीक नोक्सानी पुग्ने अवस्थामा बीमाले परीवारको पिडामा मलहम लगाउने काम गर्ने उनको बताए । उनले जिल्लाका विभिन्न स्थानमा बीमा सम्बन्धी जागरण अभियान र परामर्श समेत संचालन गर्दै आएको जानकारी गराए ।
यसैगरी मिलनका आमा मैयाँ सार्कीले रोजगारीको क्रममा विदेशीएको आफ्नो छोरा गुमाएपनि पुन बीमा कम्पनीले बाँच्ने आधार प्रदान गरेको भन्दै खुसी व्यक्त गरिन् । मृतककी श्रीमती संगीता गुरुङ नेपालीले आफ्नो श्रीमानको अनुपस्थीतिमा पनि बीमाले मलहम लगाउने काम गरेको भन्दै यो रकम आफ्नो २ वर्षीया छोरीको उज्वल भविष्यको लागि पढाई लगायत अन्य आवश्यक कुरामा सदुपयोग गर्ने प्रतिवद्धता व्यक्त गरिन् ।
राइनास नगरपालीका– ७ घर भई बैदेशीक रोजगारीका क्रममा दुबईमा कार्यरत मिलन सार्कीेको गत डिसेम्बर महिनामा निधन भएको थियो । अघिल्लो दिन साँझसम्म मिलनले साथीहरुसँग राम्रै कुराकानी गरेर खाना खाएर सुतेको तर भोलिपल्ट बिहान सुतेकै अवस्थामा मृत अवस्थामा भेटिएको मृतक मिलनका दाजु बमबहादुर सार्कीले बताए । वैदेशिक रोजगारीको क्रममा झण्डै ६÷७ बर्षसम्म विदेशी भुमिमा रहेका मिलन ५ महिना अघि मात्र दुबइको ए.डि.सि.सि. कम्पनीमा स्काफफोल्डिङको कामका लागि गएका थिए ।

Leave a Reply

Your email address will not be published. Required fields are marked *

Back to top button
Close