प्रदेशमा उद्योगको बाढी ल्याउने वातावरण बनाउनु होस्: उद्योगपति चौधरीले

जनकपुर । उद्योगपति बिनोद चौधरीले संघ र प्रदेशको खिचातानीका कारण जनकपुर छेउँ छाउँमा सोलार प्लान्ट राख्ने सपना अधुरो रहेको बताए । संघ र प्रदेशको खिचातानीका कारण जनकपुरमा सोलार प्लान्ट राख्ने सपना अधुरो रहेको  चौधरीले बताएका छन् ।

जनकपुरमा बुधबारबाट शुरु भएको ‘जनकपुर साहित्य महोत्सव’ मा बोल्दै ‘उनले भने’ ‘दुई सय मेगावाटको सोलार प्लाण्ट स्थापना गर्ने योजना थियो । मुख्यमन्त्री लालबाबु राउतले पनि धेरै प्रयास गर्नुभयो । तर, जग्गा संघले उपलब्ध गराउने कि प्रदेशले भन्ने विवादले प्लाण्ट स्थापना हुन सकेन ।’

उद्योगपति चौधरीले प्रदेश २ ठूलो सम्भावना बोकेको क्षेत्र भएको बताए । प्रदेश सरकारलाई संकेत गर्दै ‘उनले भने, ‘प्रदेश २ लाई प्रकृतिले जुन सम्भावना दिएको छ, त्यसलाई अगाडि बढाउनु होस्, यस प्रदेशमा उद्योगको बाढी ल्याउने वातावरण बनाउनु होस् , यस्तो परिस्थितिको सृजना गर्नुस् कि कसैले रोक्न खोज्दा पनि रोख्न नसकोस् । ‘उनले भने, ‘संघ र प्रदेश सरकारबीच देखिएको विवादले सम्पूर्ण विकास निर्माण नै अवरुद्ध भएको भन्ने डर थियो । तर यहाँ आउँदा भौतिक पूर्वाधार निर्र्माणको अवस्था हेर्दा खुशी लाग्यो ।’

उनले राणाको पालामा सबभन्दा बढी उद्योग विराटनगरमा लगाउने काम गरेको भन्दै प्रदेश २ नेपाल उद्योग र व्यापारको उद्गम स्थल भएको बताए । साथै धार्मिक मूल्यमान्यता बोकेको शहर जनकपुर भएकाले यस क्षेत्रको विकास गर्न समय लाग्ने उनको भनाइ रहेको छ ।

्नेपालमा उद्यमी र पूँजीको कमी नभएको भन्दै ‘उनले भने’ ‘लगानीकर्तालाई सहयोग चाहियो । काम गर्ने वातावरण बनाइदिनु प¥यो । मात्र विजुली, सुरक्षा र जग्गा उपलब्ध गराउने जस्ता कार्य भयो भने लगानीकर्ताको कमी हुँदैन ।’ उनले आफू मधेसी कोटाबाटै दुईपटक सांसद बनेको भन्दै मधेशको मुद्दा सम्बोधन गर्न संसदमा पटक-पटक आवाज उठाएको समेत उनले बताए ।

‘उनले भने, ‘मधेशको मुद्दा सामाजिक हो राजनितिक होइन । यो मुद्दा सम्बोधन गर्नुपर्छ ।’ प्रदेश २ ले आफूलाई सबल र समृद्ध बनाउन सके, त्योभन्दा ठूलो काम केहि नहुने उनको भनाइ छ ।

Leave a Reply

Your email address will not be published. Required fields are marked *

Back to top button
Close