राष्ट्रपति भण्डारीको दुइदिने बंगलादेश भ्रमणको तालिका सार्वजनिक

पोखरा। परराष्ट्र मन्त्रालयले राष्ट्रपति विद्यादेवी भण्डारीको दुइदिने बंगलादेश भ्रमणको तालिका सार्वजनिक गरेको छ । बंगलादेशी राष्ट्रपति मोहम्मद अब्दुल हमिदको निम्तोमा भण्डारी चैत ९ गते ढाका प्रस्थान गर्दैछिन् ।

भण्डारी चैत १० गते स्वदेश फर्कने परराष्ट्र मन्त्रालयले जनाएको छ । भ्रमण टोलीमा परराष्ट्रमन्त्री प्रदीप ज्ञवाली, परराष्ट्रसचिव र राष्ट्रपति कार्यालयका प्रतिनिधि सहभागि हुने जनाइएको छ ।

उक्त अवसरमा राष्ट्रपति भण्डारीले नेपाल र बंगलादेशको द्धिपक्षीय सम्बन्ध र मित्रताबारे सम्बोधन गर्नेछिन् । बंगाभवनमा दुई मुलुकका राष्ट्रपतिबीच शिष्टाचार भेट हुने जनाइएको छ ।

साथै राष्ट्रपतिले सावरस्थित शहीद स्मारक र धनमन्डीस्थित बंगबन्धु स्मृति संग्रहालयको अवलोकन गर्नेछिन् । राष्ट्रपतिको भ्रमण टोलीमा सांस्कृतिक टोली पनि सहभागि रहेको छ ।

Leave a Reply

Your email address will not be published. Required fields are marked *

Back to top button
Close