भारतमा कोरोना संक्रमितको संख्या वर्षकै उच्च, १ लाख ५९ हजार बढीको मृत्यु

पोखरा। कोरोना संक्रमतिको संख्या उल्लेख्य रुपमा बढ्न थालेपछि भारतीय शहर मुम्बईका धेरै भीड हुने स्थानमा कोरोना परीक्षण अनिवार्य गर्न थालिएको छ ।

महाराष्ट्र सरकारले सपिङ सेन्टर र रेल स्टेसनजस्ता भीडभाडयुक्त क्षेत्रमा तीव्र रुपमा सबैको परीक्षण गरिने जनाएको छ । परीक्षण गर्न नमान्नेहरुले ‘एक अपराध’कै रुपमा सजाय ब्यहोर्नुपर्ने महाराष्ट्र सरकारले चेतावनी दिएको छ । तर के कारबाही हुनेछ भन्नेबारे कुनै जानकारी गराइएको छैन ।

भारतमा शनिबार २४ घण्टाको अवधिमा ४० हजार ९ सय ५३ नयाँ संक्रमित फेला परेका थिए । जुन सन् २०२१ सुरु भएपछि एकैदिनमा देखिएको सबैभन्दा उच्च संख्या हो । कोरोनाका कारण भारतमा १ लाख ५९ हजारभन्दा बढीको मृत्यु भइसकेको छ ।

भारतमा अहिलेसम्म १ करोड १५ लाखभन्दा बढी संक्रमित देखिएका छन् । पछिल्लो साता भारतमा कोरोना संक्रमणको दर उच्च रुपमा बढेको छ । खोप अभियान जारी भए पनि नयाँ प्रकारको कोरोनालाई खोपले असर नगरेको तथ्य सार्वजनिक भएका छन् ।

महाराष्ट्रको पश्चिमी शहर मुम्बईमा मात्र शनिबार २४ घण्टाको अवधिमा २ हजार ९ सय ८२ नयाँ संक्रमित देखिएका थिए ।

मुम्बईका अधिकारीहरुका अनुसार २२ मार्चदेखि तीव्र परीक्षण सुरु हुनेछ । उनीहरुले भनेका छन्, ‘जव स्वास्थ्य कर्मीहरु व्यस्त क्षेत्रमा स्वाप संकलनका लागि पुग्नेछन्, सबैजना परीक्षणका लागि तयार हुनुपर्नेछ ।’ परीक्षण निःशुल्क हुनेछ ।

मुम्बईको स्थानीय स्वास्थ्य कार्यालयका अनुसार उनीहरुले ¥यापिड एन्टीजेन टेष्ट ९आरएटी० गर्न लागेका हुन् । यो परीक्षणले व्यक्तिको शरीरमा कोरोना भाइरसलाई उपयुक्त प्रोटिन छ कि छैन भनेर पत्ता लगाइन्छ । तर बिभिन्न अनुसन्धानले यो परीक्षणलाई कम विश्वसनीय देखाएको छ किनभने यसले कहिले काहीँ गलत परिणाम पनि दिनेछ ।एजेन्सी । 

Leave a Reply

Your email address will not be published. Required fields are marked *

Back to top button
Close