कुवेतमा ४ महिनासम्म भोकभोकै ड्युटी, नेपाली महिला कामदार आन्दोलनमा

पोखरा। रोजगारीको लागि कुवेत पुगेका नेपाली महिला कामदारहरुले कम्पनीले काम गरे बापतको पारिश्रमिक नपाएपछि कम्पनी प्रशासनविरुद्ध आन्दोलन तथा नारावाजी गरेका छन् ।

काठमाडौँको सामाखुसीस्थित आरव ग्लोबल रेक्रुइमेन्ट प्राइबेट लिमिटेड मार्फत २० महिना अघि कुवेतको साफा नेशनल कम्पनीमा पुगेका उनीहरु कम्पनीले समयमा पारिश्रमिक नदिएपछि बाध्य भएर आन्दोलन गर्नु परेको नाम उल्लेख नगरिदिन आग्रह गर्दै एक महिलाले बताइन् । ‘हामीले ४ महिनासम्म भोकभोकै ड्युटी गरौ अब अति भयो भनेर किन मार्ने की त मर्ने भनेर कम्पनीको मेनेजर लगायत सबैलाई कुट्दै हिड्न थाल्यौ,’ ती महिला कामदारले खबरहबसँग भनिन् ।

कम्पनीले आफूहरुलाई ३ महिनादेखि पारिश्रमिक नदिएको, सिबिल आइडी कार्डको डेट सकिएको फेरि रिन्यु गर्दा आफूहरुले नै पैसा तिर्नु पर्ने भनेको तथा एटिएम कार्डको पनि डेट सकिएको दुई वर्ष भएकोले बनाउन अनुरोध गर्दा नमानेपछि ५०र६० जना नेपाली महिला कामदारहरु मिलेर आन्दोलन गर्नु परेको उनीहरुको भनाइ छ।

करार अवधि समाप्त भएकाहरुलाई पनि कम्पनीले स्वदेश फर्किनको लागि हवाई टिकट उपलब्ध गराउन नसक्ने भनेको तथा एक्जिट जान नदिने गएपछि बिदामा जानुपर्ने, रिलिज पेपर पनि नदिने गरेको करण आफूहरु कम्पनीविरुद्ध उत्रन बाध्य भएको बताउँछन् । ‘महिला भनिन् ’ ‘‘काम गरेको तीन महिनाको पूरा पारिश्रमिक दिनुपर्ने, होइन भने हामीलाई नेपाल पठाई दे भनेर भनेका छौँ । यी दुईमा एक नगरेसम्म ड्युटी नजाने निर्णय गरेका छौ।’

दुई पटक कुवेतको श्रम अदालत ‘लेबर कोर्ट’ मा पनि उजुरी दिएको भएपनि सुनाइ नभएको उनीहरुले बताएका छन् । दुईरचार जना साथीहरुलाई कुवेत प्रहरीले पक्राउ गरी हिरासतमा राखेको समेत बताएका छन् ।

सोमबार साझ कम्पनी प्रशासन र पीडित कामदारहरु बीच भएको छलफलमा एक महिनाको पारिश्रमिक कम्पनीले उपलब्ध गराएको र अझै दुई महिनाको दिन बाँकी रहेको बताएका छन् । यता यस विषयमा कुवेतस्थित नेपाली दूतावाससँग प्रतिक्रिया लिन खोज्दा एक कर्मचारीलाई कोरोना संक्रमण भएर सम्पूर्ण कर्मचारीहरु आइसोलेसनमा बसेको करण सम्पर्क हुन् सकेन् ।

पछिल्लो समयमा कोरोना महामारीको करण कुवेत, साउदी अरब लगायत खाडीका देशहरुमा बिजनेस ठप्प हुदा कति पय कम्पनीहरुले आफ्ना कामदारलाई समयमा पारिश्रमिक दिन सकेका छैनन् । दोहा । 

Leave a Reply

Your email address will not be published. Required fields are marked *

Back to top button
Close